حصرياً جميع قصائد {الشاعر الأحمدالبريكي} متجدد ...

[center]

"ســـوق الذهب"


البارحة ياصاحبي في سوف الذهب

بنت تجرب خاتمٍ في صبعها

من شفتها فاتح هدب / قافل هدب

أقول:في نفسي ياحي "بطلعها"

رقة وجمال وحسن مخلوط بأدب

كل الصفات الطيبة هم ربعها

فيها شوية طول ذو صدر رحب

كشخة/رقص كل الكلام في سمعها

الشامه اللي في خدها حبة عنب

بخيله ما تعطي العالم ترى من طبعها

كل البنات اللي يشوفوها عجب

ويتهامسوا ودهم يلاقوا "ربعها "

كلما تحرك رجلها تلقى عشب

يشرب ترى هذا العشب من نبعها

نخله وخلقت شوف ما فيها رطب

لكـــن فيهـــا ظـــل طاول جــــذعها

الخصر متكاسل به شــوية تعب

حطت يديهــــا لين ذوب شمعهــــــا

كل الكلام اللي أبقوله أنسحب

خــاف العيــون اللي تتلألأ دمعها

جلست على الكرسي وهو كرسي خشب

مسكين شب من الوله في ضلعها

لاقلت : للبايع أبي شوية حطب

شبت شفـــايف جمـــرتين بقمعهــا

قالت ما أبي خاتم أبي ساعة ذهب

ضحكت وشوف شلون عضت صبعها

" لك اللـــه يالصــــدف "

لك الله يالصدف مري ترى من جابني جابك

نحط الكحل بعيون النجوم وتستحي نجمة
عرفت أن المسا واجد تغير يشبه ثيابك

وعرفت أنك بعد أخت النهار وأستوي عمه
بياض وقبل لا أشوفك بياض ينور غيابك

تواضع لك بعد عمر القصايد من أخو شمه
انا أستغربت من كل الحروف بصفحة كتابك

تطــير تحط في قلــبي نثرت الشوق وتلمه

لقيت أجمل مسا كل السنين ينام بأهدابك

ولقيت أجمل( أخوي)ف شفتينك يا لها كلمه

هنا ما تسمع أذني غير صوتك ضحكة أصحابك

مساءتك سؤالاتك من إللي ياصل القمــــة ؟

تسابقنا على مراء المشاعر والمسا حابك

ندس البرد عن وجه الصباح وتفقده أمـــــه

نصحت الريح عن تلمس جسدك وتحرق أعصابك

فتحت الصدر لعيونك عيوني وجاتني بسمه

لقيت الواقع المر الجميل الصبر بأسبابك

ولقيت أن الشعر واقع جميل ولا استحى دمــه

طلبتك لو سمحتي تكتبيني أصغر أحبابك

على يدينك بحنا العيد والا بتستحي نجمة


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

"سفر وقلوب "




سفر وقلوب تتضايق تخاف أن العيون تخون

وأنا قبل العيون تخون قمت أقص لك راسي
وقف يا سيده قبل المطار لحضرتي ممنون

يشيل الدم من عرق الحيا ويهديلك احساسي
قبل لا اخذ ملامح غيبتك قمت استخيل عيون

آثاري عيوني الثنتين جت في نظرتي لناسي
غريبة يمكن النظره طبيعي حبي المفتون

ركب راس الطموح وجابلك من شهقة انفاسي
أنا ما كنت أظن أني أنا لكن خذيت ظنون

لذا حسيت بك برج الخفوق أن قرعة اجراسي
كتبتك في شرايين الفقر حتى قروك ديون

حملتك ذنب يوم أني هديت أغصانك لافاسي
دفنته وين ما ادري بس حبك بالحشى مدفون

وانا صادق مدام أني برئ من ساسي الى راسي
بغيتك كثر ما غبتي تزيدين الطعون طعون

مثل ما تطعن أقلام الرصاص ضلوع كراسي
بغيتك كثر ما تحضن من الضيقة جفون جفون

كثر ما نادت جيوبك جيوبي تعلن أفلاسي
أحبك كثر ما شلتي من فراق الحبيب شجون

أحبك كثر ما شافوك في هالعالم أجناسي
أحبك بس ما تكفي أحبك قلتها بجنون

أحبك كلمة ما قلتها لك وسط قرطاسي

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


"البارحـــــــــــــة"


البارحـــــة ناديت للـــــبرد بـــــردان

لا صـــدق شعوري ولا حس فيني
البارحة من صدفة الشعر يا عمان

جيتي خضار العــــشب بينك وبيني
ما كان تنبت للشجر قبلك أغصان

كم عام وانا اهدي الشجر دمع عيني
الصوت صحاني وأنا كنت نعسان

صحصحت ويدينـــك تدفـــي يدينـــي
أنا الوطن وأنتي تصيري لي أوطان

شوفي مطرك أشلون سوى ف طيني
ودي أجمع من عطا جرحك أحزان

أعطيك فـــرحي وان بغيــــتي خذيني
كل الكرم يالغاليــــــه فيك عنوان

أخـــــذي حياتــــــي كـــان قلبك يبيني
ما أدري شسوي فيك يا حب إدمان

طيحتـــي زيتونـــي وخـــوخي وتينــي
إن قلت : لك بردان صحيح بردان

جيبي ضلوعك وأشعلــــي الجمر فيني


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


"أضــــــواء"



الأضواء واجد وأنا مو قصدي الشهره

لكن قصدي أوصل رغبة إحساسي

جمهور واعي يعرف الشعر من نظره

والكل يحسب هنا ذا الليلة أنفاسـي

ما كــل شعــرن أقــوله اليوم يابكـره

يتخلد ف سمع ناسن ما وصلوا باسي

الشعر واجد وواجد شوف وش كثره

لكـــن عــن يابسـه بعدت أنا فاســــي

ما قصدي الكبرياء بس قصدي العبره

من ناس كانوا رموزن هم هلي ناسي

سنعت شعري عن {التنغيز} والبطره

وعلقت هيبة شموخه تاجن ف راسي

لو كل غيمه تمر تجيب لـــي قطــــره

ما مات عودي نعم من ظيمه ف ياسي

يا صاحب الشعر بيني وبينك الشعره

لا تقصهـــا دام خيري فيك مـــو ناسـي


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


"دلــــــــع "


يالدلع هــــاليـــــــوم زايــــد بك دلع

أهلك الظـــــاهـــر عليـــــهم دلعـــوك

يوم اقلك جـــايـــك تزيـــدي ولــــع

ولـــــوعـــــوني فيك حتـــى ولعــــوك

نورك الضحضاح ياشمسي سطع

مــــن مشـــارف والدينك سطعـــــــوك

كلمــــا جيت أتصـــل فيك أنقطع

خطــي وأهـــــلك نعــــم هــــم أمنعــوك

حبك وهالغنج ياغاده أنــــزرع

ف ضلــــوعي هــم أحاسيس أزرعـــوك

الــدلـع يــاخـذ من شعورك دلع

والأهـــــل مــن حبــــهــــم لك دلعـــــوك

يتبع...

"مفاهيم الحقائق"

صديق أمنته بسر وخان بك هذا الصـــــــــديــــــق
وش تنتظر منه صديقك هو بعد ما خـــــــــــان بك

هذا طريق / وانت رح دور في أشكالك طـــريــــق
واللي مثل شخصك كثير بهالزمـــن ما عـــــان بك

كنت احسبك اخ وعزيز وصـــــاحب وخــل ورفيق
لين اكتشفت ان الغــــدر عكس الــــوفا بك زان بك

ياصاحبي ضيق سفــــن هاليــــم ف الواقع مضيق
وانت الظــــلام اللي ضياء هالشمس ما قد بان بك

يا صاحبي كيف الغريق بغصتـــــــه ينقــذ غــــريق
والبحـــر فــي لجـــة مفــاهيـــــم الحقــائق شان بك

وين الرفيق اللي نعم تقـــــدر تقــــول : انه رفيـــق
يوقــــف معك يـــوم الزمان المر شكلــــــه حان بك

لا قلت / لك دارت عليك الــدايـــره .. يعني تضيق!!
هوٌنت في صاحبـــك / جا هــــذا الــــــزمان وهان بك

يا صاحبي دوٌر لها الدخان ف أعــــوادك حـــــريـــق
يمكــــن تلاقــــي النار في هذا اليبـــــاس اوطان بك!!

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


"رياض الحلم"


تــذكـرينــي/فــي ريـاض الحلــــم جيـــتك
شاعــرن يكــتــب قصــيده فـــي قصــيده

كــل مــا مـر الأمــانــي جـــنب بــيــتــــك
شــاف ســكـيــن الـجــفـا تــطـعـن وريده

لـو بـــغــيــتـك عـشق والا ما بغــيـــتـك
عــلمي العــشاق شـاعـر عــن جــديـــــده

كـــل لــيــل أتنــفــس بصــبـحه سريتك
لين ضـيء الشــمـس ذوبــلــك جلــيـــــده

أشربـيـنـي سلـسبــيل ان مـا رويـتـك
أحــملــيـني غيــــم بــلـل ريـــــق بيـــــــده

وارفعــيــني كـثــر مـا قـلتك هويـتـك
ليــــن يـنـــطـح غـــيم غــيمة راس سـيده

صـدقيــني يـوم أنـادي لك فــديــتــك
يـــــعـنـي بـــعــمري فـديتـــك يـا (فـريده)

كيف اصدق من وطن روحك خذيتك
وإنتــي ل عــــالـم عشق قـلب ورصـيده

كيف أفـرط فــيـك وانـا اللي لقـيتـك
تاخـــــذين جــــروح قــــلـبي يا عضيـده

لــو سنين العمر تــبغـيها عــطيتك
مابـــخلت بــها عـشـــان إللــي أريـــــده

إكــتبيني عــشـق دام انــي قريتك
فــــي جبين الــعــمـر إنـــــسانـه حميده

صــدقيني لـو جـفـيتــك مـا نـسيتك
كيف ابــــنـــسى انــك ال وحـدك قصـيده

يتبع...