حبيبي يا وضوح الكون بأسمى ما حكــى ذاتي
بأغني لك من الأحساس شعورن تجهل بحوره
تجلى في سمــــاه وناح تركني بوســـط أبياتي
أذوق المـــــر بغيابك وأغني يا حلى ســــوره
لــذيـــذ وينعش الأنفــاس دخولك في محطاتي
تزود من وقــود الروح تجيك الروح مأسوره
تفنن في عذابـــي حيل ... أبيـــك تــــزيد وناتي
أبي هالناس إذا سمعت كلامي تكون فالصوره
أبي جـــورك على قلبـــي يصور لك معانـاتي
أبيك تشوف في حرفي قوافي منك مسـحوره
حـــضور الليل بالآفاق وركض الجــن برفاتي
سكون المارد الأعظم في داخل نفس مهجوره
ثـــــلاث أشــــياء تعذرنــــي أرنم لك بلـــذاتي
أخاف تطيح من طولك إذا وصلت لك الصوره
وأصير الجاني الأولـــــ .. على نفسي بأبياتي
ويبور النور من نوري ونوري من سنا نوره
ياكيف أوصف لك الأحوال وأخلي لهفتك تاتي
واضمـــــك في يديني حيل وكلن يطلق شعوره
عجيبه رحلتك يا هيه أحــــــبك رغم ويلاتي
أعاند منطقي وأمشي وراك بنفس مــسروره
تودينــــي علـــــى حتفــــــي وأنا ماشي بنياتي
أطارد فيك هالأحساس عسى هالنفس مغفوره
عساك تروف بي يا زين وتدمح كثر زلاتـــي
وترحمني من غيابك إليـــــا زاد بـــــي جوره
كبير و ربـــي الأكبر هو العالـــم برغبـــاتي
عساه يحقق الآمال ويرزقني من قصـــوره
أحببتها فــ نقلتهأ